سبحان الله وبحمده عدد خلقه ورضا نفسه وزنة عرشه ومداد كلماته

العودة   ملتقى مونمس ® > الأقــســـام الــعـــامــة > روايات وقصص - روايات طويلة وقصيرة > قصص و روايات بقلم الاعضاء

قصص و روايات بقلم الاعضاء قصص, روايات , خواطر, بقلم الأعضاء.. يمنع النقل او الاقتباس منعاً باتاً او

!~ آخـر 10 مواضيع ~!
إضغط على شارك اصدقائك او شارك اصدقائك لمشاركة اصدقائك!

إضافة رد
 
LinkBack أدوات الموضوع
5.00 من 5 عدد المصوتين: 1
انواع عرض الموضوع
  #1  
قديم 06-22-2012, 09:53 AM
الصورة الرمزية شذى الحور
مشرفة منتدى العام والطبخ
 
شكراً: 7,337
تم شكره 4,753 مرة في 1,612 مشاركة

شذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميع









افتراضي ഐ ليــ...ـتنــي كـ...ـنت قــ...ـريبة مـ..ـن اللـ...ـه مــ..ـن قـ...ـبل ഐ

 


-:مواضيع أخرى تفيدك:-

Share

التوقيع :
-
اللهم و ان اوشَكت الانفاس على التوقف ، فأطلق لساني و انطقه بذكركَ ..
-
رد مع اقتباس

قديم 06-22-2012, 10:13 AM   رقم المشاركة : 2
شذى الحور
مشرفة منتدى العام والطبخ






 

الحالة
شذى الحور غير متواجد حالياً

 
شذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميع

شكراً: 7,337
تم شكره 4,753 مرة في 1,612 مشاركة

 
افتراضي رد: ഐ ليــ...ـتنــي كـ...ـنت قــ...ـريبة مـ..ـن اللـ...ـه مــ..ـن قـ...ـبل ഐ


قصــــــــــــة بعنــــــــوان ...


مـــــــــــــــــــن تأليــــــــــــــفي ..
ليت قلبي ما صار قاسي ..ولا يعرف الهم والأحزان.. ليتني داويت جرحي .. بالصمت والحمد و القرآن .. ليتني وليت وياليت .. والله ما تفيد انسان

في الساعة الرابعة عصرا من يوم الأحد في شهر مارس .. و لما كنت نايمة اتصلت علي صديقتي نهى ..
نهى : الو .. هاي رنيم
رنيم : اهلين نهو .. كيفك ؟
نهى : تمام حبيبتي .. شو نايمة ؟
رنيم : ههههه شوي ..
نهى : زين قومي ما بتروحين معنا السوق حدي ملانه و مالي بارض .. ابغي اتنفس ..
رنيم : اوكي .. متى بتروحون ؟
نهى : ع الساعة 5 يعني بعد ساعة ..
رنيم : زين اوكي رح اجهز .. دقيلي يوم بتطلعي من البيت عشان أنزل ,,
نهى : اوكي .. نتلاقى .. باي
رنيم : باي ..

قمت بسرعة من السرير وعلى طوول رحت الحمام .. أخذت لي شاور ورحت البس ملابسي عشان الحين بتمرني نهى .. طبعا طلعتنا للسوق كلها وناسه وضحك وما يمديني ساعة بس احط ميك أب ..
وعلى ماخلصت لباس عبايتي وتضبيط شكلي دقت لي صديقتي .. تعطرت بسرعة أخذت جوالي ومحفظتي وطلعت من غرفتي ..
وأنا انزل من الدرج تذكرت إني ما صليت العصر .. ارجع اصلي ...
لا لا ما بروح .. من ارجع إذا تذكرت بصلي .. أصلا يوم اصلي ويوم لا يعني يات على هالمره ...
واااااااه .. أمي بالصالة نسيت أقول لها ..
الأم : رنووم ع وين إن شاء الله ..؟
رنيم : هلا يمه .. اممممممم يمه حبيبتي لو سمحتي بروح شوي مع نهوي بيتهم وراجعة .. ساعتين ما بتأخر ..
الأم : و ليش هالميك أب كله ؟ وبعدين من بيآخذك ابوك محد
رنيم : ااااه ااااه << تتلعثم ماتدري من وين تجيب كذبه ..
يمه رفيجتي ويا أبوها بيجون وبياخذوني وهم بيرجعوني ..
الأم : تمام يوم أبوها .. بس قبلها قدامي غسلي وجهك بسرعة ..
ويرن جوال رنيم .. وتشوف الشاشة .. إلا اسم نهى عليها ..
رنيم : يمه مع السلامة جات رفيجتي .. وقبل لا تسمع رد الأم ركضت وطلعت من البيت ..

وفي السيارة ..

رنيم : هاي .. آسفة تأخرت ..
نهى : اونج دقي علي عشان اطلع بوقت ..
رنيم : سوري والله ..
عيسى اخو نهى : هلا بالزين كله .. كيفك الغاوية ..
رنيم : هلا فيك .. أنا طيبة ..
نهى : احم احم .. اسكت أنت وياها لو سمحتو ..


عيسى : أش دعوى يا حافظ .. رنيم مثلك تراها ... وأعتبرها أختي ..
رنيم : تسلم ..

وشوي ووصلنا السوق .. نزلنا أنا ونهى ورحنا اشترينا عطور وساعات وبعدين شفنا عيسى عند النظارات فقالت نهى نروح .. ورحنا ..
وجايست كذا نظاره وقالوا لي إن النظارة البنية أحلى وحده علي فأخذتها .. وقضيناها ضحك وتحوط في السوق مده ساعتين ..
بعدها شفت جوالي .. أبيه الحين بتجي الساعة ثمان ما رجعت للبيت يلا نروح .. وافقوني ورحنا صوب الباركنات و ركبنا السيارة ..
ولما اقتربنا من بيتنا شفت سيارة اخوي هشام هناك .. وهشام هذا ما يحب شوفت عيسى قدام وجهه ..
رنيم : عيسى أوقف هني وبكمل أنا مشي للبيت .. كآني وصلت ..
نهى : طيب ليش ؟ نوصلك ما بقى شي
رنيم : ما عليه مشكـــــ ... وقاطعها عيسى : اوصلك ليش وش جرى !!
رنيم : عيسى جوف قدام بيتنا سيارة هشووم وأنت أدرى واحد شنو بيصير ..
عيسى : اهااا .. اوكي دام كذا .. تفضلي
نهى : شنو أنت أدرى .. تفضلي أنا وين عنكم .. شنو يصير ..
رنيم : باي .. مشكورين واايد تعبتكم ويااي ..
عيسى + نهى : مع السلامة ..

ورحت امشي بخطوات خايفة الين أوصل للبيت .. ادري هشوم ما رح يخليني بحالي من وين يايه ,, ووين رحتي .. ووش هالكيس إلي بيدك دام رحتي بيت صديقتك .. ومن شلك ... ووووووع أسئلة بايخة تلوع بالكبد ..



رد مع اقتباس
قديم 06-22-2012, 10:17 AM   رقم المشاركة : 3
شذى الحور
مشرفة منتدى العام والطبخ






 

الحالة
شذى الحور غير متواجد حالياً

 
شذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميع

شكراً: 7,337
تم شكره 4,753 مرة في 1,612 مشاركة

 
افتراضي رد: ഐ ليــ...ـتنــي كـ...ـنت قــ...ـريبة مـ..ـن اللـ...ـه مــ..ـن قـ...ـبل ഐ

وأنا امشي و قريب البيت .. شفت سي دي يلمع من بعيد .. تجاهلت أمره .. بعدها شدني غلافه ..
قلت آخذه أجوف إلي فيه سريع وبعدها أرجعة أو اقطه بالزبالة .. ما تفرق عندي ..

ودخل هشام البيت قبلي .. وعقبه بدقيقتين دخلت وبسرعة خطفت اركض من باب الحوش الكبير لين باب الفيلا الخلفي وادخل البيت واصعد غرفتي ...
الحمد لله محد شافني .. غسلت ويهي وبدلت ملابسي ونزلت ..
سلمت ع الوالدة و الوالد و إخواني .. وقالت أمي : متى ييتي مسوده الويه ..
رنيم : يمه من ساعة بداري ليش ما شفتيني وأنا داخله ؟
الأم : لا ما شفتش .. المفروض لما تدخلين تبلغيني .. وش هالمسخره ..
قمت من على الكنبه وبست راس أمي : حقك علي يالغالية والله ما أعيدها ..
عزوز وهو يقلد نبرة صوت رنيم : حقك علي يالغالية والله ما أعيدها ..ههههه بس فالحة تعطينها من الكلام الحلو .. بس تقسين ..
رنيم وأهي تحر عزوز بعينها : شب انته ..
هشام : وليش منتفخه .. يوووه ماله داعي ..
رنيم : حشه منكم مب كنكم إخوان .. كأنا في محكمة الصغير قبل الكبير يسأل هذي مو طلعة وش هالحاله ..
عزوز : تراني بفتن يا أم ويهين ..
هشام : هههههههه عفيه عزوز حبيبي وش عندك .. خلنا نستانس ..
رنيم : يبه .. يمه شوفوهم والله أنهم دحق .. غصصو علي بها الأشكال ..


الأب : ههههههه رنوم تراهم يمزحون ..
الأم : ههههه طايب لك يا صويلح هالسوالف ولا ما بتقول يمزحون ..
رنيم : انا إلي ما فيني أدب جايه اجلس وياكم .. وبست أيدي وطيرت بوستين بالهواء لأمي وأبوي .. وقلت إلا انتم أحبكم .. وطالعين هشوم وعزوز وصفقت كفوفي ع بعض وقلت وانتو مالت عليكم ويه النحس .. ومشيت لغرفتي واسمعهم يضحكون ويعلنوا فوزهم علي ..
سويت لهم طآف ما فاضيه لهم ..
طلعت غرفتي .. بسرررعة انسدحت على السرير شوي وأتذكر سالفة السي دي وقلت أروح أشوف وش فيه ..
فتحت لآب توبي .. و رحت جبت السي دي من الكيس إلي فيه الأغراض .. دخلته بالاب ويلست انتظره يفتح ..

فتح ... وانصدمت بالي فيه .. وكآن أول شي اسمعه ..
" وجآءت سكرت الموت بالحق ذلك ما كنت منه تحيد " ..
انتفضت من سمعت هذي الآية .. بغيت اسكر اللاب توب بس شي منعني ما ادري شنو هو بالضبط بس المهم انه صدني ..
وبدا يذكر الشيخ قصص الموتى وفي منهم إلي ماتو بسوء الخاتمة -والعياذ بالله- وذكر قصة واحد ما كان يصلي ... ااااااه ما كان يصلي .. أنا شو سويت اليوم .. العصر والمغرب والحين العشاء كلهن ما صليتهن ...
ورجعت لعالم الواقع لما صرخ الشيخ وقال : الموت جايك لا محالة .. تعيش سنة سنتين ياخي عيش سبعين سنة والله الموت جايك جايك .. وما تفلت منه ...
صرخت وقمت اصيح بصوت عآلي وأنا أتخيل حالي وابكي على نفسي .. تخيلت وايد أشياء تخيلت إني أنا ميتة والحين خلاص بيحطوني بالقبر ..
الحين شو أسوي .. أنا ما صليت .. أنا كنت وااايد متهاونة بسالفة الحجاب والعبايه والميك اب عاد حدث ولا حرج ..

رجعت لواقعي .. و سمعت الشيخ يردد بترتيل ويغلبه البكاء : " كلا إذا بلغت التراقي × وقيل من راق × و ظن أنه الفراق × والتفت الساق بالساق × إلى ربك يومئذ المساق "
.. خلاص هنا ما قدرت أنش على ريولي .. و سكرت اللاب توب بقوووة وسندت على الطاولة بثقل ورحت للحمام توضيت ورحت أصلي .. صليت كل صلوات اليوم إلي فاتني .. وجلست ابكي بندم وحسره وخوف من إني القي ربي وأنا على هالحالة ..
ظليت ابكي لحد ما نمت على سجادتي .. وفجأة فالليل قمت على صوت جوالي ..

رحت أشوف من وإلا المتصل زياد .. دفنت التلفون فويهه وقلت بعد اليوم ماشي هالحركات الخربانه أنا خلاص تبت لله وما رح ارجع .. أرسلت رسالة لصديقتي نهى إني خلاص اكتشفت السعادة الحقيقة .. وما رح يكون مجال للطفش بحياتي مرة ثانية .. وكتبت لها أتمنى انج تزوريني بالبيت ونتفاهم على كل شيء..
وبطلت جوالي وأخذت الشريحة وكسرتها ورميتها بالزبالة ..


وقمت توضيت ورحت اصلي قيام الليل وهذي أول مره بحياتي أصليها .. وبعدها تميت اقرأ قرآن للفجر ..
وعلى الضحى طلعت الصالة وأنا جدا متغيره بكل إلي فيني .. وناويه ابدي حياة يديده حتى مع أهلي ..

بعد شهر الكل لاحظ التغيير إلي مريت بيه .. و في يوم كنت داشه على موقع إسلامي عجبني واايد وقلت اشترك فيه وتعرفت على وحده حافظه للقرآن ..
شجعتني على الحفظ .. و حببتني أكثر لمثل هالاشياء .. فأخذت عهد على نفسي إني احفظ القرآن ..
وفعلا أهي قامت تشجعني ومرة كنت أكلمها في الموقع وعرفت أنها تسكن قريب من المكان إلي نحن فيه و تواصلت أنا وإياها بالجوال بعد ما طلعت شريحة جديدة .. وطلعت أمي تعرف أهلها من زمان .. فصرت أتردد عليها فبيتهم اسمع لها قرآن وتعلمني تجويد و هكذا ..
حفظت وااايد من القرآن .. و دخل علينا شهر رمضان ومرت الكثير من أيامه كنت جدا متحمسه اخلص الباقي لي وكانن ثلاث أجزاء ..

لكن منعني مرضي .. ثلاثة أيام وأنا منومه في المستشفى ..
جات لي مرة تزورني وبعدها قعدت تسمعني .. أنا وايد ارتحت لها وحبيت اخبرها بسالفتي لان دايم " وجاءت سكرت الموت بالحق " تتردد في أذوني ..

علمتها .. وقامت وحضنتني و باستني على يبهتي و قالت لي :
شيماء : حبيبتي لا تحاتي .. الحمد لله إن الله أنار لك طريقك .. ترا الله يحبك وإلا ما بيستوي كذا ..

بصراحة ريحتني شيماء .. ووايد حبيتها لاني فعلا حسيت معها بمعنى الأخوة في الله وأنها تريد لي الخير .. وقلت لامي يوم بتروحي البيت جيبي لابتوبي ..
أمي جابت لي لآبي .. وقعدت اكتب بدايات قصتي وقلت لشيماء إني قاعدة أكتب قصتي .. لاني جدا تعبت وزادت حالتي الصحية سوء وتدهور .. ووصيت شيماء إن صار لي شيء أتكملها وتنشرها بالموقع ..


رد مع اقتباس
قديم 06-22-2012, 10:24 AM   رقم المشاركة : 4
شذى الحور
مشرفة منتدى العام والطبخ






 

الحالة
شذى الحور غير متواجد حالياً

 
شذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميع

شكراً: 7,337
تم شكره 4,753 مرة في 1,612 مشاركة

 
افتراضي رد: ഐ ليــ...ـتنــي كـ...ـنت قــ...ـريبة مـ..ـن اللـ...ـه مــ..ـن قـ...ـبل ഐ

شيماء/بعد أسبوع .. احد دق باب بيتنا وقال اعطو اللاب لشيماء .. قولوا لها من رنيم ..
فتحته ولقيت هالرساله فوقه ..
شيماء .. مرضي بدأ يدمرني .. أتمنى تكملي قصتي .. وإذا الله شفاني بآخذ عنك اللاب خليه أمانه عندك .. ومشكورة على كل إلي سويتيه وبتسويه عشاني ..

ما قدرت أصبر من قريت الرسالة ورحت لرنيم .. شفتها أحسن بوااايد .. الحمد لله ..

ضحكت وياي من خاطرها وقالت : شيوم الحياة وووواااااااييييد حلوووه بقرب الله .. ليتني كنت قريبه من الله من قبل .. ليت كل لحظات حياتي عباده .. ليتني عرفتش من قبل ..

و ابتسمت لها وقلت : بقى لك جزء ما سمعتيني اياه .. يلا اسمعك وش رايك ؟؟ ..
ابتسمت لي وبدت تسمع آخر جزء بقى لها من القرآن .. وهذا كان بأخر يوم من ليال رمضان المباركة .. بعد ما خلصت جلست تبكي و تبكي ,. وأنا بكيت معاها ..


كانت دموع الحب والفرح ... الحزن والشوق .. دموع الحلم الي كانت تبذل جهدها عشان توصل له والحمد لله أن حلمها صار حقيقة قدام عيونها ..
حضنتها وقلت لها مبرووووووووووك حبيبتي حفظك للقرآن الكريم ..ربي يحفظك من الشر و يشافيك ..
وإن شاء الله تقومي بالسلامة وأسويلك أحلى حفلة بالعالم عشان هذي المناسبة ..

وهي ما بقى لها إلا البكاء وهي بين أحضاني .. جيتها يوم العيد الصبح .. وشايله لها باقه ورد .. وكانت جدا فرحانة ..

قالت لي .. شيماء تصدقين هذا أحلى رمضان وأحلى عيد يمر علي بحياتي ....

شوي ودخلت أمها الغرفة والظاهر أن إخوانها يبون يدشون .. طلعت أنا ورحت لبيتنا ..

كنت وااايد فرحانة .. لان رنيم تغيرت فعلا وحفظت القرآن كامل في كم شهر بس بفعل توفيق الله وثم إرادتها ..
ولما رحت أزورها ثاني يوم .. ولما وصلت المستشفى سمعت أخوها عبد العزيز يصرخ ويقوول : لاأأأأأ ...لااااااااا مستحيل اللي خلتني ابدي أحفظ القرآن تموووت مستحيل ... مستحيل رنوووم تروووح عنا

أنا وقفت مكاني وقمت اصرخ .. لالا .. لاأأأأأأ .. رنيم .. رنيم ..!!!
بعدها مدري كيف ركضت ورحت لغرفتها وشفتها ..
كانت أحلى من القمر ليلة تمامه .. كانت أجمل من الدرر وقت السحر... كانت أفضل أخت وحبيبة لي .. ابتسامتها ريحت قلبي .. وبدأ فؤادي ينبض بكل ذكرى قضيتها مع رنيم .. وكان صوت قراءتها يتردد على مسامعي ..
تقدمت منها و بستها على خدها .. و غطيتها باللحاف الأبيض و دموعي ينزلن من عيوني كأنهن وديان ..
خرجت من المستشفى .. وكل شيء فيني يتذكر ابتسامتها و يقول :" إن الأبرار لفي نعيم × على الأرائك ينظرون × تعرف في وجوههم نظره النعيم × يسقون من رحيق مختوم × ختامه مسك وفي ذلك فليتنافس المتنافسون "...

بعد أيام رحت لوالدتها وعزيتها على فراق رنيم و هنأتها على حال بنتها وقت وفاتها بنفس الوقت .. وذكرتها إن رنيم ماتت على خير وأعطيتها لابتوب رنيم إلي خلته معي أمانه .. ورجعت لبيتنا وأنا ادعوا الله أن يوفقني باللحوق بركب الصالحين وان أموت ميتة تفرحني
وبعد شهرين سمعت خبر أن نهى بعد ما توفت رنيم راحت لدار تحفيظ و رح تبدأ حياة جديدة أن شاء الله ..
عبدالعزيز وهشام أخوان رنيم وأمهم وأبوهم ساروا على نهجها رحمها الله وواصلو حفظ القرآن وكل واحد يتمنى يسبق الثاني في الحفظ .. " وفي ذلك فليتنافس المتنافسون " ..

....النهاية ...

أحبتي في الله .. الخيال الواسع .. ينسج حكايات رائعة لا مثيل لها .. صحيح أن هذه القصة نسجها عقلي ورسمت حروفها مخيلتي .. لكن بالتأكيد هنالك أناس من لهم أشبه بهذه القصة .. فلنبادر في التوبة والإنابة ..
من يدري .. لعل الموت يأتينا اليوم ..... غدا ... أو بعد غد ...!
الله أعلم ...
وختامــــاً .. أشكر كل من قرأ حروفي هذه .. كنتم أجمل بدآياتي وأحلى قصصي ورواياتي .. ويستمر فكري يجول بين الزمان لينسج لكم قصة أخرى بإذن المولى ..
والسلام عليكم ورحمة الله وبركاته ..

ضمن حملة :~+~ لــ....ــن يسبـــقــ....ـــني إلـ...ــى اللـ...ــه أحـــ....ـــد ~+~
بقلمي .. أختكم في الله

رد مع اقتباس
قديم 06-22-2012, 10:36 AM   رقم المشاركة : 5
Smile hope
عضو سوبر






 

الحالة
Smile hope غير متواجد حالياً

 
Smile hope عضوية مشهورة نوعاً ماSmile hope عضوية مشهورة نوعاً ماSmile hope عضوية مشهورة نوعاً ما

شكراً: 1,128
تم شكره 1,614 مرة في 682 مشاركة

 
افتراضي رد: ഐ ليــ...ـتنــي كـ...ـنت قــ...ـريبة مـ..ـن اللـ...ـه مــ..ـن قـ...ـبل ഐ

و عليك السلام و رحمه الله و بركاته
حقا سطور سطرتها من عبق الذهب
كلمات غرزت قلب كل محب الى الله
كلمات ومنا سارع بتوبه من المكن
ان الموت سياتيك غدا اليوم ااو بعد
غد اشكر مره اخرى على الاطراء الرائع و القصه
التي تحمل بداخلها كل عبره
لمن لم يعتبر اسعى دوما اخي \ اختي
لتقرب الى الله عز و جل رغم كل
شيء فذالك اصغر ما تفعله في الدنيا و اكبره في الاخره
اسئلك ربي لا تغيبني عن الدنيا الى


وانت راضي تمام الرضي عني


رد مع اقتباس
4 أعضاء قالوا شكراً لـ Smile hope على المشاركة المفيدة:
قديم 06-22-2012, 01:39 PM   رقم المشاركة : 6
شذى الحور
مشرفة منتدى العام والطبخ






 

الحالة
شذى الحور غير متواجد حالياً

 
شذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميع

شكراً: 7,337
تم شكره 4,753 مرة في 1,612 مشاركة

 
افتراضي رد: ഐ ليــ...ـتنــي كـ...ـنت قــ...ـريبة مـ..ـن اللـ...ـه مــ..ـن قـ...ـبل ഐ

بــــــــارك الله فيك أختي الغاليـــــــــة اريج .. أشكرك على المرور الرائــــــــــع والرد الاروع ...

جزاك الله الفردوس الأعلـــــــــى

رد مع اقتباس
الأعضاء الذين قالوا شكراً لـ شذى الحور على المشاركة المفيدة:
قديم 06-22-2012, 03:01 PM   رقم المشاركة : 7
نبراس..
عضو سوبر






 

الحالة
نبراس.. غير متواجد حالياً

 
نبراس.. عضوية مشهورة نوعاً مانبراس.. عضوية مشهورة نوعاً مانبراس.. عضوية مشهورة نوعاً ما

شكراً: 1,387
تم شكره 2,359 مرة في 1,132 مشاركة

 
افتراضي رد: ഐ ليــ...ـتنــي كـ...ـنت قــ...ـريبة مـ..ـن اللـ...ـه مــ..ـن قـ...ـبل ഐ

اختي اشكر لكي هذه القصة التي فيها العبرة الت يبحث عنها الكثيرون امثالي

الله يهدينا
واله يوفقني لاختم القران الكريم

وان احفضه

رد مع اقتباس
3 أعضاء قالوا شكراً لـ نبراس.. على المشاركة المفيدة:
قديم 06-22-2012, 04:18 PM   رقم المشاركة : 8
شذى الحور
مشرفة منتدى العام والطبخ






 

الحالة
شذى الحور غير متواجد حالياً

 
شذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميعشذى الحور عضوية معروفة للجميع

شكراً: 7,337
تم شكره 4,753 مرة في 1,612 مشاركة

 
افتراضي رد: ഐ ليــ...ـتنــي كـ...ـنت قــ...ـريبة مـ..ـن اللـ...ـه مــ..ـن قـ...ـبل ഐ

العفـــــــــــــو يالغاليـــــــــة .. بارك الله فيك وتسلمي على المروور الراااائع مثلك ..

أسال الله لي ولك ولكل من نحب .. ان يجعنا في دار قرارته ..

رد مع اقتباس
الأعضاء الذين قالوا شكراً لـ شذى الحور على المشاركة المفيدة:
قديم 06-22-2012, 04:42 PM   رقم المشاركة : 9
نومـا
مراقبة عامة






 

الحالة
نومـا غير متواجد حالياً

 
نومـا عضوية شعلة المنتدىنومـا عضوية شعلة المنتدىنومـا عضوية شعلة المنتدىنومـا عضوية شعلة المنتدىنومـا عضوية شعلة المنتدىنومـا عضوية شعلة المنتدىنومـا عضوية شعلة المنتدى

شكراً: 6,547
تم شكره 8,044 مرة في 2,309 مشاركة

 
افتراضي رد: ഐ ليــ...ـتنــي كـ...ـنت قــ...ـريبة مـ..ـن اللـ...ـه مــ..ـن قـ...ـبل ഐ

صراحة وااايد عجبتني القصة
عسى أن ينفع بها من ينتفع
جميلة تلك الكلمات عجبتني
طريقة سردك للقصة والأهم
أنها كانت محفزة بالأدلة والحمد لله
عسى الله أن يجازيك خير الجزاء
أثرت فيا القصة وايد وأعجبتني
اللهجة العمانية والخليجية
وفقت شذى فيما قدمت سامحين
لم أحمل لك الكثير من العبارات
لكن فعلا أعجبتني قصة
مفيدة لها رسالة عظيمة

رد مع اقتباس
2 أعضاء قالوا شكراً لـ نومـا على المشاركة المفيدة:
قديم 06-22-2012, 04:44 PM   رقم المشاركة : 10
العنكبوت
عضو سوبر






 

الحالة
العنكبوت غير متواجد حالياً

 
العنكبوت عضوية ستكون لها صيت عما قريب

شكراً: 1,467
تم شكره 721 مرة في 420 مشاركة

 
افتراضي رد: ഐ ليــ...ـتنــي كـ...ـنت قــ...ـريبة مـ..ـن اللـ...ـه مــ..ـن قـ...ـبل ഐ

وعليكم السلام ورحمه الله وبركاته

موضوع رائع وتأليف اجمل

وفواصل اجمل من جميله

شكراااااا

رد مع اقتباس
2 أعضاء قالوا شكراً لـ العنكبوت على المشاركة المفيدة:
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:49 PM


Powered by vBulletin® Copyright ©2000 - 2024, Jelsoft Enterprises Ltd
جميع الحقوق محفوظة لموقع مونمس / " يمنع منعاً باتا المواضيع السيئة المخالفة للشريعة الإسلامية" التعليقات المنشورة لا تعبر عن رأي المنتدى وإنما رأي الكاتب نفسه
Search Engine Friendly URLs by vBSEO 3.6.0